જેસલ કરી લે વિચાર

જેસલ કરી લે વિચાર

જેસલ કરી લે વિચાર , માથે જમ કેરો માર ,

સપના જેવો છે આ સંસાર , તોળી રાની કરે છે પોકાર ..

આવો ને જેસલ રાય , આપણે પ્રેમ થકી મળીએ જી ...

હિરલા એરણ માં ઓરાય , માથે ઘન કેરા ઘા ,

ફૂટે ઇ તો ફટાકિયા કેવાય , ખરા ની ખરે ખબરૂ થાય ,

આવો ને જેસલ રાય , આપણે પ્રેમ થકી મળીએ જી ...

ગુરુ ના ગુણ નો નહીં પાર , ભક્તિ ખાંડા કેરી ધાર

નૂગરા શું જાણે એનો સાર , એનો એળે ગયો અવતાર ,

આવો ને જેસલ રાય , આપણે પ્રેમ થકી મળીએ જી ...

અનુભવી આવ્યો છે અવતાર ,માથે સદગુરુ નો આધાર ,

જવું મારે હરી ને દરબાર , બેડલી ઉતારો ભાવ પાર,

આવો ને જેસલ રાય , આપણે પ્રેમ થકી મળીએ જી ...